காதல் தீ..!

-





கவிதைகள் நமக்கு பிடிக்கணும்னா அதுல சொல்லப்பட்டிருக்கிற உவமைகளும் ஒப்பீடும் வித்தியாசமா இருக்கணும்; அதே நேரத்துல எளிமையா இருக்கணும். அப்படி இருக்கிற கவிதைகள் நிச்சயமா எல்லாரையும் கவரும். இந்த குறள பாருங்க.


‘நீங்கின் தெறூஉம் குறுகுங்கால் தண்ணென்னும்

தீயாண்டு பெற்றாள் இவள்’


சின்ன வயசுல தீயை பார்க்கும் போது நாம எல்லாரும் வேகமா அத தொட முயற்சி பண்ணிருப்போம். நம்ம அம்மா ‘வேணாம்மா தீ கிட்ட போகாதா சுட்டுரும்’ அப்படின்னு சொல்லிருப்பாங்க. சிலர் அதையும் கேட்காம இன்னும் கிட்ட போய் சூடு கூட வாங்கிருப்போம். இப்போ நம்ம எல்லாருக்கும் தெரியும். தீ கிட்ட போகப் போக அதோட வெம்மை அதிகமா இருக்கும். ரொம்ப கிட்ட போனா சுட்டுரும்னு. தள்ளி நிற்கும் போது அதோட வெம்மை நமக்கு தெரியாது. இதுதான் தீயோட பண்பு.


ஆனா வள்ளுவர் இந்த குறள்ல காட்டுற தீ ரொம்பவே வித்தியாசமானது. அது காதலி கிட்ட இருக்கிற தீ. இந்த தீயோட தன்மை தள்ளிப்போகும் போது சுடுதாம். கிட்ட வரும்போது குளிருதான். வள்ளுவரே கூட ஆச்சரியப்படுறாரு. இந்த மாதிரி ஒரு தீயை இவ எங்க இருந்து பெற்றாள்னு ஒரு கேள்வியோட தான் இந்த குறள முடிக்கிறாரு. ரொம்பவே வித்தியாசமான ஒரு ஒப்பீடுல்ல. 


ஆக்சிஜனும் ஹைட்ரஜனும் தனித்தனியா இருக்கும்போது நெருப்ப எரிய வைக்கிற தன்மையோட இருக்கும். அதுவே ஆக்சிஜனும் ஹைட்ரஜனும் சேர்ந்து தண்ணியா (H2O) இருக்கும் போது அதோட தன்மை அப்படியே மாறிடும். நெருப்ப அணைக்க ஆரம்பிச்சுரும். அதே மாதிரிதான் வள்ளுவர் இந்த குறள்ல நமக்கு ரொம்பவே பழக்கப்பட்ட தீயோட பண்பு காதலோட கலக்கும் போது எதிர்மறையா இருக்கிறத காட்டுறாரு. 


இந்த தீயை காதலிக்கிறவங்க கண்டிப்பா உணர்ந்திருப்பாங்கன்னு நினைக்கிறேன். அவங்கதான் சொல்லணும் வள்ளுவர் சொன்ன மாதிரி கிட்டபோகும்போது குளிராவும் தூரமா போகும்போது வெப்பமாகவும் ஒரு தீ; காதல் தீ இருக்கான்னு…!


இன்பத்துப்பால்: களவியல், அதிகாரம் 111 புணர்ச்சி மகிழ்தல்


நீங்கின் - நீங்கும் போது; தெறு - சுடு (தெறும் - சுடும்); குறுகுங்கால் - குறுகும்போது, அருகில் வரும்போது; தண் - குளிர்ச்சி; யாண்டு - எங்கு


நீங்கின் தெறூஉம் குறுகுங்கால் தண்ணென்னும்

தீயாண்டு பெற்றாள் இவள்


பொழிப்பு (மு வரதராசன்): நீங்கினால் சுடுகின்றது; அணுகினால் குளிர்ச்சியாக இருக்கின்றது; இத்தகைய புதுமையான தீயை இவள் எவ்விடத்திலிருந்து பெற்றாள்?


இந்த குறளை புதுக்கவிதை வடிவில் படிக்க காதல் தீ (புதுக்கவிதை)


வாழ்க தமிழ்..!

வெல்க தமிழ்..!

கருத்துகள்

கருத்துரையிடுக

இந்த வலைப்பதிவில் உள்ள பிரபலமான இடுகைகள்

அழகான மனிதர்கள்

-
படம்
  அழகான மனிதர்கள் சில கருத்துகள் ஒருத்தருக்கு ஒருத்தர் மாறுபட்டது. என்னோட பார்வையில சரின்னு தோணுறது உங்க பார்வையில தப்பா இருக்கலாம். நான் தப்புனு சொல்றது உங்களுக்கு சரின்னு தோணலாம். சில விசயங்கள நம்மாள நேரடியா இது இதுதான்னு சொல்லிட முடியாது. அது அதபத்தி யார் சொல்றாங்களோ அவங்களோட சூழ்நிலை, அனுபவம், வயசு, குடும்பம்னு எல்லாத்தையும் பொறுத்து மாறுபடும். உங்களவிட ஒருத்தர் சந்தோசமா இருக்கிறத பார்த்து நீங்க ஏங்கிட்டு இருக்கும்போது உங்கள பார்த்து ஒருத்தர் எவ்வளவு சந்தோசமா இருக்காங்கன்னு நினைக்கலாம். அழகுங்கிறதும் இத மாதிரி ஒருத்தருக்கு ஒருத்தர் மாறக்கூடியதுதான். நிறைய வகையில அழகும் வரையறுக்கப்படுகிறது. நான் இந்த கட்டுரையில அழகைப் பத்தி பேசப் போறது இல்ல. நான் சந்திச்ச சில அழகான மனிதர்கள பத்தி சொல்லப் போறேன். அவங்களோட வெளித்தோற்றம் இந்த அழகான மனிதர்கள்ங்கிற வார்த்தைக்கு ஒருவேளை பொருந்தலாம். இல்ல பொருந்தாம கூட இருக்கலாம். அதையெல்லாம் தாண்டி அவங்கள அழகுன்னு என்ன சொல்ல வச்சது அவங்களோட செயல்கள்தான். சம்பவம் நம்பர் ஒன்னு. கொஞ்ச மாசங்களுக்கு முன்னால டூர் போயிருந்தேன். டூர்னா ஷாப்பிங் இல்லாமலா? அப்ப...
மேலும் படிக்கவும்

காதல் தோல்வியும் தேவதாஸ் தாடியும்..!

-
படம்
  காதல் தோல்வியும் தேவதாஸ் தாடியும்..! காதல் தோல்வியான பலர் தாடி வளர்த்துட்டு இருக்கிறத பார்த்திருப்பீங்க. அதனாலயே யாராவது நிறைய தாடியோட இருந்தாங்கன்னா அவங்க கிட்ட “என்னப்பா காதல் தோல்வியா? தேவதாஸ் மாதிரி தாடி வச்சிட்டு இருக்க? ஷேவ் பண்ணலயா?”ன்னு பலர் கேட்குறத பார்த்திருப்பீங்க.நீங்களும் கூட கேட்டிருக்கலாம்..! ஏன் காதல் தோல்வினாலே தாடி வளர்க்குறாங்க..? அதுக்கு காரணம் என்னன்னு தெரியுமா..? தேவதாஸ் காதலிச்ச பொண்ணு கிடைக்கலன்னு தாடி வச்சிட்டு தண்ணி அடிச்சிட்டு திரிஞ்சாரு. அதையே எல்லாரும் பின்பற்றுறாங்கன்னு சொல்றீங்களா? சரி தேவதாஸ் ஏன் காதல் தோல்வியை தாடி வளர்த்து கொண்டாடுனாரு? (கட்டுரை முழுக்க ஒரே கேள்விக்குறியா இருந்த மாதிரி இருக்கு… இனிமே முடிஞ்ச வரை பதிலா சொல்ல பார்க்குறேன்…) சமீபத்தில இப்படி ஒரு வாசகத்தை படிச்சேன், “ஒரு ஆண் எப்போ தன்னை நேசிக்க ஆரம்பிக்கிறான்னா, ஒரு பெண் தன்னை நேசிக்கிறாங்கிறது தெரிஞ்சதுக்கப்புறம் தான்’. (இந்த கட்டுரையை ஆரம்பிச்சப்போ என்ன சொல்லறதுக்காக எழுதினேன்னு இப்ப மறந்து போச்சு. கொஞ்சம்தான் ஞாபகம் இருக்கு. ஏன்னா சுமார் 5 மாசத்துக்கு முன்னாடி மேல இருக்கிற வரைக்க...
மேலும் படிக்கவும்

அவள் முழுமையான அழகி..! டாட்.

-
படம்
 டாட் - முழுமை இது உண்மையா இல்லை புரளியானு தெரியல. ஆனாலும் கூட எங்கேயோ கேள்விப்பட்ட இந்த விஷயம் எனக்கு கிட்டத்தட்ட உண்மையாத்தான் தெரிஞ்சது. அந்த உண்மையான புரளிய இப்போ உங்களுக்கு சொல்றேன். அது என்னன்னா முகத்துல இடது கன்னத்துக்கு கீழே எந்த பொண்ணுக்கெல்லாம் டாட் இருக்குதோ அவங்க எல்லாம் ரொம்ப அழகா இருப்பாங்க..! இந்த புரளிய இதுக்கு முன்னாடி நீங்க கேள்விப்பட்டிருக்கீங்களா? வேணா யோசிச்சு பாருங்க அந்த மாதிரி இடது கன்னத்துக்கு கீழே டாட் இருந்த எல்லாருமே அழகாத்தான் இருந்திருப்பாங்க. அப்படித்தான?  இந்த உண்மையான புரளியோட விளக்கமா எனக்கு ஞாபகம் இருக்கிறத சொல்றேன். கேட்டுக்கோங்க… ஒரு தொடர் எழுதினீங்கன்னா அந்த தொடரோட முடிவில ஒரு புள்ளி வைப்பீங்க இல்லையா? அந்த தொடர் முடிஞ்சிட்டு; முழுமையடைஞ்சிட்டுங்கிறத குறிக்கிறதுக்காக இந்த புள்ளி வைக்கிறோம். அதே மாதிரி இறைவன் படைக்கும்போது அந்த பெண்ணை தன்னோட முழுமையான கற்பனைய பயன்படுத்தி இதுக்கு மேல இந்த பெண்ணுக்கு அழகு சேர்க்கவே முடியாதுங்கிறத குறிக்கிற விதமா அந்த பெண்ணோட இடது கன்னத்துக்கு கீழே டாட் வச்சாராம். அதனால தான் அந்த மாதிரி டாட் இருக்கிறவங்கள்லாம்...
மேலும் படிக்கவும்