பிறப்பொக்கும் எல்லா உயிர்க்கும்

புதுக்கவிதை வடிவில் திருக்குறள் 05 குறள் எண் - 1242 இன்பத்துப்பால்: கற்பியல், அதிகாரம் 125, நெஞ்சொடு கிளத்தல் இலர் - இல்லாதார்; நோவது - வருந்துவது; பேதைமை - அறியாமை; வாழி - வாழ்வாயாக காதல் அவரிலர் ஆகநீ நோவது பேதைமை வாழிஎன் நெஞ்சு பொழிப்பு (மு வரதராசன்): என் நெஞ்சே! வாழ்க! அவர் நம்மிடம் காதல் இல்லாதவராக இருக்க, நீ மட்டும் அவரை நினைந்து வருந்துவதும் உன் அறியாமையே. மறந்துவிடு மனமே காதல் அவளிடம் கடுகளவும் இல்லை - உன்னை அகன்ற அவளை எண்ணி அணுவளவும் நோகாதே அறிவுகொள் நீ மனமே! அவள் வரப்போவதில்லை மறப்பாயாக நீ மனமே! முழுதாய் உன்னில் நிறைந்தவளை… இந்த படத்தை பதிவிறக்க பதிவிறக்கு வாழ்க தமிழ்..! வெல்க தமிழ்..!

  புதுக்கவிதை வடிவில் திருக்குறள் 04 குறள் எண் - 1281 இன்பத்துப்பால்: கற்பியல், அதிகாரம் 129, புணர்ச்சிவிதும்பல் உள்ளக் களித்தலும் காண மகிழ்தலும் கள்ளுக்குஇல் காமத்திற்கு உண்டு பொழிப்பு (மு வரதராசன்): நினைத்த அளவிலே களிப்படைதலும் கண்ட அளவிலே மகிழ்ச்சி அடைதலும் ஆகிய இந்த இருவகைத் தன்மையும் கள்ளுக்கு இல்லை; காமத்திற்கு உண்டு. காதல் போதை நங்கை நின்னை  நினைக்கையில் கிடைக்கும் களிப்பும் நின் திருமுகம் கண்ட  நொடியில் நான் கொள்ளும் மகிழ்ச்சியும் நம் காதலைத் தவிர எந்த போதையும் தராதவை..! இந்த படத்தை பதிவிறக்க பதிவிறக்கு வாழ்க தமிழ்..! வெல்க தமிழ்..!

  புதுக்கவிதை வடிவில் திருக்குறள் 03 குறள் எண் - 1213 இன்பத்துப்பால்: கற்பியல், அதிகாரம் 122, கனவுநிலை உரைத்தல் நனவினால் நல்கா தவரைக் கனவினால் காண்டலின் உண்டென் உயிர். பொழிப்பு (மு வரதராசன்): நனவிலே வந்து நமக்கு அன்பு செய்யாதிருக்கின்ற காதலரை, கனவிலாவது கண்டு மகிழ்வதனால் தான், என் உயிரும் இன்னமும் போகாமல் இருக்கின்றது. உயிர் தரும் கனவு காணாத்தூரம் எனைவிட்டு கண்ணே நீ சென்றபோதும் தொலைந்த இரவுகளில் சிலநாள் தூக்கத்தில் வருமென் கனவினில் மிகஅருகினில் காதலி நீ வாழ்கிறாய் அதனால் நானும் இங்கே அன்பே உயிரோடு இருக்கிறேன்..! இந்த படத்தை பதிவிறக்க பதிவிறக்கு வாழ்க தமிழ்..! வெல்க தமிழ்..!

புதுக்கவிதை வடிவில் திருக்குறள் 02 குறள் எண் - 1091 இன்பத்துப்பால்: களவியல், அதிகாரம் 110 குறிப்பறிதல் உண்கண் - மையுண்ட கண் (மை தீட்டிய விழிகள்) நோக்கு - பார்வை இருநோக்கு இவள்உண்கண் உள்ளது ஒருநோக்கு நோய்நோக்கொன்று அந்நோய் மருந்து பொழிப்பு (மு வரதராசன்): இவளுடைய மை தீட்டிய கண்களில் உள்ளது இருவகைப்பட்ட நோக்கமாகும்; அவற்றுள் ஒரு நோக்கம் நோய் செய்யும் நோக்கம்; மற்றொன்று அந்நோய்க்கு மருந்தாகும். அவளது பார்வை மதிமயக்கும் அழகு கொண்ட மங்கை இவளின் மையேந்திய விழிகளில் இருவகை பார்வைகள் உள்ளது ஒன்று காதல் நோய் கொடுக்கிறது ஒன்று அதற்கு மருந்தாய் இருக்கிறது இந்த படத்தை பதிவிறக்க பதிவிறக்கு இந்த திருக்குறளின் விளக்க கட்டுரையை படிக்க   நோயும் அவளே! மருந்தும் அவளே! வாழ்க தமிழ்..! வெல்க தமிழ்..!

நம்ம எல்லாராலயும் 2020-வது ஆண்டை மறக்கவே முடியாது. இன்னும் எத்தனை ஆண்டுக்கு அப்புறம் கேட்டாலும் கூட கொரோனா, ஊரடங்கு, கொத்து கொத்தா மரணம், பயம், வேலை பறிபோனது, வீட்டுக்குள்ளேயே முடங்கியிருந்ததுன்னு 2020-ம் ஆண்டை பற்றி பக்கம் பக்கமா சொல்லுவோம். ‘என்ன தம்பி! அதவேற ஞாபகப்படுத்திட்டீங்க நெஞ்செல்லாம் புண்ணாருக்குனு’ சொல்றீங்களா? கேட்குது.. கேட்குது… கொரோனா மட்டுமில்ல இந்த உலகம் அம்மைநோய், காலரா, பிளேக் அது இதுன்னு ஏகப்பட்ட நோயை அனுபவிச்சிருக்கு. இப்படி புதுசு புதுசா நோய் பரவும்போது அந்த நோயை கட்டுக்குள்ள கொண்டுவரவும் தொடர்ந்து பரவாம இருக்கவும் நடவடிக்கை எடுத்து எவ்வளவு சீக்கிரம் முடியுமோ அவ்வளவு சீக்கிரமா அதுக்கு மருந்து கண்டுபிடிப்பாங்க. அப்படித்தான் கொரனாவுக்கும் முடிஞ்ச அளவு வேகமாக தடுப்பூசி கண்டுபிடிச்சு கட்டுக்குள்ள கொண்டுவந்தாங்க. அப்புறம் அது புதுசு புதுசா, தினுசு தினுசா உருமாறி 2-வது அலை, 3-வது அலைன்னு வந்துட்டு இருந்துச்சு. இன்னும் வந்துட்டு இருக்கு. சரி அத விடுங்க! நம்ம திருக்குறளுக்குள்ள வருவோம். திருவள்ளுவர் இந்த குறள்ல ஆதி மனிதன் என்னைக்கு தோன்றினானோ அன்னைக்கு தோன்றின ஒரு நோயை ப...

திருக்குறள் எனக்கு பிடிக்குமா..? இல்லையா..? ஒரு கவிதையோ, கட்டுரையோ எதுவா இருந்தாலும் நமக்கு பிடிக்குதா இல்லையாங்கிற அது நமக்கு புரிஞ்சாதான் முடிவு பண்ண முடியும். திருக்குறள் நமக்கு பிடிக்காதுன்னு சொல்றத விட நமக்கு அது புரியாத காரணத்தால நாம அந்த முடிவ எடுக்குற இடத்துக்கே போகலங்கிறது தான் உண்மை.  திருக்குறள் ஏன் புரியல..? எனக்கு தெரிஞ்சு தமிழ் இலக்கியங்கள்ல ரொம்பவும் எளிமையான ஒரு இலக்கியம் திருக்குறள் தான். எவ்வளவுக்கு எவ்வளவு குறைஞ்ச சொற்களை பயன்படுத்தி ஒரு திருக்குறள எழுத முடியுமோ அப்படி குறைஞ்ச சொற்களை மட்டும் பயன்படுத்தி வள்ளுவர் திருக்குறளை எழுதிருக்காரு. இருந்தும் ஏன் திருக்குறள் புரிய மாட்டேங்குது அப்படினு கேட்குறீங்களா? எந்த ஒரு இலக்கியமா இருந்தாலும் அதுக்கு நயங்கள் முக்கியம். அதாங்க முதல் எழுத்து ஒன்னுபோல வர்றது (மோனை), இரண்டாவது எழுத்து ஒன்னு போல வர்றது (எதுகை), கடைசி எழுத்து ஒன்னு போல வர்றது (இயைபு) அதுமாதிரி எழுதுறது. இப்படி சில நயங்களுக்காக சில சொற்களை இடமாற்றி வள்ளுவர், திருக்குறளை எழுதிருக்காரு. அதனால தான் திருக்குறள் எளிமையா இருந்தாலும் அத வாசிக்கும்போது நமக்கு புரிய ...

புதுக்கவிதை வடிவில் திருக்குறள் 01 குறள் எண் - 1104 இன்பத்துப்பால்: களவியல், அதிகாரம் 111 புணர்ச்சி மகிழ்தல் நீங்கின் - நீங்கும் போது; தெறு - சுடு (தெறும் - சுடும்); குறுகுங்கால் - குறுகும்போது, அருகில் வரும்போது; தண் - குளிர்ச்சி; யாண்டு - எங்கு நீங்கின் தெறூஉம் குறுகுங்கால் தண்ணென்னும் தீயாண்டு பெற்றாள் இவள் பொழிப்பு (மு வரதராசன்): நீங்கினால் சுடுகின்றது; அணுகினால் குளிர்ச்சியாக இருக்கின்றது; இத்தகைய புதுமையான தீயை இவள் எவ்விடத்திலிருந்து பெற்றாள்? காதல் தீ எவ்வகை தீ இது என்னவளே உன்னிடம் இருப்பது? தூரம் நிற்கையில் சுடுகிறது தொடும் அருகினில் நெருங்கையில் குளிர்கிறது எங்கிருந்து பெற்றாய் என்கண்ணே இந்த காதல் தீயை? இந்த படத்தை பதிவிறக்க பதிவிறக்கு இந்த திருக்குறளின் விளக்க கட்டுரையை படிக்க   காதல் தீ..! வாழ்க தமிழ்..! வெல்க தமிழ்..!